Sadakah

Saturday, June 03, 2006
Buhan nang lawas banar jadi hansip gagarunum lawan pambakal, jar buhannya kada suah dibawai ka acara nang harat. Mandangar ngitu kada nyaman kalu pambakal, jadi buhannya dibawai ka acara camat.

“Apa ngarannya gadung ngini Nang ?,” ujar Utuh Kalubut. “Ujar jualah, ngarannya aula pang,” ujar Nanang Klelepon. “Acara apa yu, nang kita umpati nginih ?,” ujar Utuh Kalubut. “Ujar jua lah, acaranya palantikan camat,” ujar Nanang Klelepon.

“Siapa nang malantik yu ?,” ujar Utuh Kalubut, “Abah ikam…, mauk batakun tarus kaya napa ha lagi” ujar Nanang pina sarik. “Hi-ih bada-diam haja pang,” ujar Amang Iram.

Hinip Utuh Kalubut Kada sing bunyian lagi, kada lawas datangan buhan pajabatnya. Pina mangkining ha sapatu buhannya.

“Kada supankah kita nih ?, urang datangan basapatu harat-harat, kita basandal gapit,” ujar Utuh Kalubut. “Biar haja, napa garang! kadada jua nang manyuruh,” ujar Amang Iram manyahuti. “Kada-ah, asa kada nyaman banarai,” ujar Utuh Kalubut. “Mun kada nyaman, bulik ikam saurangan,” ujar Nanang Klelepon.

“Kada ku hakun bulik saurangan, kanyamanan buhan ikam kaina makanan nyaman,” ujar Utuh Kalubut pina takulibi. “Han mun kaya itu baranai sudah, jangan tapi banyak batakun,” ujar Amang Iram.

Imbah acaranya handak dimulai, kanapakah ada orang nang mandatang buhannya. Imbah ngitu langsung haja managur buhannya.

“Buhan ikam ka sini,” ujar Jabrik manunjuk buhannya. “Napa jadi mangiyau kita, ayu lakasi kita datangi,” ujar Nanang Klelepon mahancap datang.

“Nah…. duit pacah, lajui bajauhan pada sini,” ujar Jabrik manjulung duit. “Duit napa, kami kada handak minta duit,” ujar Amang Iram. “Kada tahu tarima kasih, lajui bajauhan pada sini,” ujar Jabrik sambil manciling-ciling.

Napa ada buhannya lakas bajauhan, handak malawani katiya urangnya sing ganalan. Pada taungutan buhannya di luar aula, mahadangi pambakal. ”Han… napa jar ku, gara-gara sandal gapit haja, sangkah urang kita minta sadakah,” ujar Utuh Kalubut manumpalak buhannya.(mr-85)
posted by wahjoe at 4:16 PM | Permalink |

[ back home ]

Comments for Sadakah

About me

My Photo
Name:
Location: Semarang, Central Java, Indonesia

Wahyu Thanks to: Allah SWT pemilik penuh jiwa ragaku, Muhammad SAW pembawa risalahku, Ibu n Bapak perantara hidupku, big family of Ps, memori terindahku di STEMBA Semarang (sebuah kisah klasik), teman temanku di TKJ Classes(kalianlah yang terbaik), peri peri yang pernah datang dan pergi (jadikan pelajaran, tetaplah menjadi bintang di langit..), saudara saudaraku (aku memang pengecut), my teacher mr Agus, mr joesti, mr taufik thanks for your gift, jln mugas barat dan dalam sebagai saksi bisu hidupku -sad n happy, lonely, spare n busy, semua yang telah kuterima dan kurasakan "myself is my best ever had", dunia yang masih mau menyelimutiku, dont miss me, I do love you all....

Links

Favourite Links

Friends Blog

My Shout Box

University Links

SemRawut Yo :)

News Links

Goverment Links

Favourite Links

Download Yuk !!

Waktu Terus Berlalu

Credits

  Distributed by:
Template copyright :
V4NY ONLY TEMPLATES
Powered by :
Powered by Blogger